„125 Jahre Elbe-Lübeck-Kanal“ is dat Motto vun’n KulturSommer an’n Kanal in düt Johr.

Nich eerst siet 125 Johrn liggt Beuken an’t Water vun een Waterstraat, de wichtig is. Dor weer all lang vörher (1398 – 1898) de Stecknitz-Kanal. Plattdütsch weer de meiste Tied de Spraak, de op den Kanal un in jedeen Dörp un Stadt an’n Kanal snackt worrn is. So holl’t wi düsse Kultur ok hütigendaags oprecht, wenn wi een plattdütschen Goddesdeenst fiert. Sogar mit Water hett dat wat an düssen Sünndag to doon: De 6. Sünndag na Dreefaltigkeit steiht in’t Teken vun de Dööp un wat de vör’t Leven vun jedeen Christen un de heel Gemeende an Bedüden hett.

Kumm vörbi! Vun Harten inlaad is jedeen, de dorbi sien will!

Foto: Privat