In de Kultursommer-Tiet kümmt ok unse schöne plattdüütsche Spraak wedder to Ehren. An verscheden Steden rund üm den Kanal sünd Veranstalten op Platt in`t Programm. De plattdüütsche Gottsdeinst in Mölln is över de Johren al so en lütte Bruuk worrn. Un ok in dissen Kanalsommer laadt de evangelsche Kirch in Mölln all Frünnen vun dat Plattdüütsche in sik Gott sien Woort in de Spraak an to höörn, de to de Tiet as de Kanal noch en Rull speelt hett, hier överall snackt worrn is. De Heilig-Geist- Kirch in de Gadebuscher-Straat 13 in Mölln gifft den Rahmen dorför. Los geiht dat üm Klock 10 an Sünndag, 21.07.2024. Un de denn vun dat Plattdüütsche noch nich noog hett, kann an Namiddag üm Klock halvig dree enen plattdüütschen Stadtrundgang dörch dat olle Mölln maken. Dorför gifft dat Korten un Infos in dat Touri-Büro an Möllner Markt.  Foto: Matthias Lage

ACHTUNG: Die angegebene Veranstaltungsdauer ist eine ca. Angabe